Қостанайда техникалық қызмет көрсету станциясында ірі өрт шықты: зардап шеккендер бар (видео, фото)

Кеше кешке Қостанайда техникалық қызмет көрсету станцияларының бірінде өрт шықты. Өртсөндірушілер өртті екі сағатқа жуық уақытта сөндірді. Екі адам ауруханаға жеткізілді, деп хабарлайды Төтенше жағдайлар министрлігіне сілтеме жасаған NUR.KZ.

Ведомствоның мәліметінше, Қостанайда аумағы 291 шаршы метр болатын екі қабатты ТҚКС ғимараты ашық жалынмен өртенген.

Құтқарушылар жанып жатқан ғимараттан көлемі 27 литр болатын 6 газ баллонын алып шықты.

Өрт 21:11-де оқшауланып, екі сағатқа жуық уақыттан кейін, 22:54-те толығымен сөндірілді.

"Құтқарушылар келгенге дейін жедел жәрдем бригадасы екі зардап шегушіні ауруханаға жатқызды", - делінген ТЖМ хабарламасында.

Өртті сөндіруге жеке құрамның шамамен 45 адам және 12 техника жұмылдырылған.

Мәтіннен қате тапсаңыз, бізге жазыңыз