Шымкенттің 3 мыңнан астам тұрғыны жарықсыз қалды

Шымкентте апатты жағдайға байланысты бірнеше шағын ауданда жарық сөндірілді. Бұл туралы қала әкімдігі Facebook-тегі ресми парақшасында хабарлады.

Қала әкімдігінің ақпаратынша, апатты жағдайларға байланысты бүгін Солтүстік Саяжай, Достық, Нұршуақ, Батыс шағын аудандарында 3 мыңнан астам абонент электр қуатынан ажыратылды.

"Қазіргі уақытта арнайы бригада ақауларды ретке келтіру үшін тиісті жөндеу жұмыстарын жүргізуде.

Тұрғын үйлердің электр қуатына 2 сағат көлемінде қайта қосылатынын хабарлаймыз. Уақытша қолайсыздықтар үшін кешірім сұраймыз", - делінген хабарда.

Кейінірек, Достық, Нұршуақ, Батыс шағын аудандары электр қуатына қайта қосылғаны белгілі болды. Ал Солтүстік Саяжайда қайта қалпына келтіру жұмыстары жүргізілуде.

Мәтіннен қате тапсаңыз, бізге жазыңыз