Көкшетауда өзен арнасынан асып, бірнеше тұрғын үйдің ауласын су басты

Көкшетауда өзен арнасынан асып, 8 жеке үй, 28 жеке аула аумағы және 7 көпқабатты тұрғын үй ауласына су кірген. Бұл туралы KAZ.NUR.KZ ТЖМ-ге сілтеме жасап хабарлайды.

Ведомство мәліметінше, қазіргі уақытта жағалауды нығайту жұмыстары жүргізілуде

"150 метр аралықтағы жерде бекіту жұмыстары жасалды, 280 тонна инертті материал құйылды, 110 метр болатын каналдар мен арықтар кеңейтіліп, тереңдетілді, 310 қап құм төселді, 1000 м.3-тен астам еріген су айдалды", - делінген хабарламада.

ТЖД, АГЗ, ЖАО және ПД күштерімен 260 адам және 90-ға жуық техникамен су айдау жұмыстары жүргізіліп жатқаны хабарланды.

Айта кетейік, Ақтөбені қақ жарып өтетін Сазды өзені арнасынан асып кеткенін хабарлаған едік.

Мәтіннен қате тапсаңыз, бізге жазыңыз