Алматы облысында 32 гектар орманға таралған өрт дерегімен қылмыстық іс қозғалды

Алматы облысында 32 гектар жерге таралған өрт дерегімен қылмыстық іс қозғалды. Бұл туралы Төтенше жағдайлар министрлігінің баспасөз қызметі хабарлады.

Айта кетейік, 19 сәуірде Алматы облысының Балқаш ауданында қамыс өртеніп, жалын 31 гектар орман қорына таралған.

"Аталған факт бойынша ішкі істер органдары Қылмыстық кодекстің "Ормандарды жою немесе бүлдіру" деген 341-бабы бойынша қылмыстық іс қозғады. Осы баптың санкциясы мүлкін тәркілей отырып, сегіз жылға дейін мерзімге бас бостандығынан айыруды көздейді", - делінген хабарда.

Ведомство ақпаратына сенсек, өртті сөндіру үшін тікұшақпен жалпы көлемі 387 тоннадан астам 129 су ағызу жұмысы жүргізілген. Қазіргі уақытта өрт оқшауланды.

Мәтіннен қате тапсаңыз, бізге жазыңыз