Алматыда өрт шыққан үй маңынан әйел адамның денесі табылды (фото)

Алматыда өрт кезінде 23 адам эвакуацияланды. Бір адам зардап шекті, сондай-ақ бір әйелдің денесі табылды, деп хабарлайды қалалық төтенше жағдайлар департаментіне сілтеме жасаған KAZ.NUR.KZ.

Ведомство ақпараты бойынша, 1 мамыр таңғы бестер шамасында 7 ықшам ауданында орналасқан төрт қабатты үйдің төртінші қабатындағы пәтерден өрт шыққан.

Төтенше жағдайлар департаментінің мәліметінше, 30 шаршы метр аумақты шарпыған өрт сағат 5-52-де сөндірілген.

Үш иінді баспалдақ пен құтқару қалпақшасы арқылы 23 адам құтқарылған.

Өртті сөндіруге қалалық төтенше жағдайлар департаментінің жеке құрамынан 48 адам және 12 техника жұмылдырылған.

Өрт шыққан пәтерден 1997 жылғы әйелдің денесі табылған.

Қазір тергеу тобы оқиғаның мән-жайын анықтауда.

1990 жылғы ер адам ауруханаға жатқызылған.