Алматы облысында оқу-жаттығу кезінде граната жарылды: екі полицей зардап шекті

Алматы облысының полиция департаменті Қонаев қаласының маңында оқу-жаттығу кезінде болған оқиғаға қатысты желіде жарияланған ақпаратты растады. Бұл туралы KAZ.NUR.KZ хабарлайды.

Оқиға туралы Telegram-дағы EgovPress арнасы хабарлады.

Басылымдағы ақпарат бойынша, бұған дейін Қонаев қаласының маңында Алматы облыстық полиция департаментінің қызметкерлері жаттығу жұмыстарын жүргізген. Қызметкерлердің бірі күтпеген жерден граната лақтырған, соның салдарынан ЖҚАЖ-дың екі қызметкері ауруханаға жеткізілген.

Жазбаға қатысты Алматы облысы полиция департаменті өкілдері пікір білдірген.

"Полигондағы оқу-жаттығу жиындары кезінде облыстық департаменттің екі қызметкері жарқыл гранатасын қолдану кезінде жарақат алды. Салдарынан олардың бірі қалалық ауруханаға жатқызылды", - деп хабарлады полициядағылар.

Ведомство өкілдері оқиға туралы өзге мәлімет жарияланбайтынын айтты.

Мәтіннен қате тапсаңыз, бізге жазыңыз