Астанада түнде жатақханадан өрт шықты (видео)

Астанада кеше түнде жатақханаға ретінде салынған екі қабатты ғимараттан өрт шықты. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.

Ведомство өкілдерінің мәліметінше, Сарыарқа ауданында жатақхана ретінде жабдықталған екі қабатты тұрғын үй мен оның жанына салынған бір қабатты жұмсақ жиһазды қалпына келтіру цехы өртенген.

Өрт салдарынан 1935 жылы туған ер адам зардап шекті – оған иіс тиген. Өртсөндірушілер оны жедел жәрдем қызметкерлеріне тапсырған.

Өрт сөндірушілер 150 шаршы метр аумақтағы өртті толығымен сөндірді.