Павлодарда жол апатына ұшыраған көлік өртке оранды

19 маусымда Павлодарда жол-көлік оқиғасы болып, салдарынан көлік өртенген. Өрт сөндірушілер көлікті 17 минуттың ішінде сөндірген. Бұл туралы Төтенше жағдайлар министрлігі Telegram-дағы ресми арнасында хабарлады.

Ведомство ақпараты бойынша, бүгін Павлодар қаласында жол-көлік оқиғасының салдарынан жеңіл автокөлік өртке оранды.

"ТЖМ күштерімен өрт шақырту сәтінен бастап 17 минут ішінде жойылды", - делінген хабарламада.

Төтенше жағдайлар министрлігі Telegram-дағы ресми арнасында өрт салдарынан қатты зақымданған көліктің фотосын жариялады.

"Жол көлігінде төтенше жағдай болған жағдайда 112 номеріне хабарласыңыз", - деп ескертті ведомство өкілдері.

Мәтіннен қате тапсаңыз, бізге жазыңыз