Қызылордадағы газ жарылысы: күйік алған балалар санавиациямен Алматыға жеткізілді

Денсаулық сақтау министрі Ақмарал Әлназарова Қызылордада күйік шалған балаларды санитарлық авиациямен Алматыға жеткізгенін хабарлады. Бұл туралы Денсаулық сақтау министрлігі басшысы Instagram желісінде мәлімдеді деп жазады KAZ.NUR.KZ.

Министрдің хабарлауынша, Алматыға санавиация бортымен күйіп қалған екі бала жеткізілді.

"31 шілдеде Қызылорда облысында 75%-ға жуық күйік жарақатымен қатты күйіктен зардап шеккен, аса ауыр жағдайдағы екі бала шұғыл түрде Алматы қаласының Балалар және шұғыл медициналық көмек орталығына жеткізілді.

Пациенттердің жағдайы ауыр, барлық қажетті емдеу шаралары жүргізілуде", - делінген жазбада.

Еске салсақ, 28 шілдеде Қызылордада жеке тұрғын үйде газ жарылған болатын. Салдарынан жеке тұрғын үйдің қирап қалғанын хабарлаған едік. Төрт жасөспірім жарақат алып, жансақтау бөліміне жеткізілді.

Мәтіннен қате тапсаңыз, бізге жазыңыз