Ақтау маңында қоқыс таситын көлік жарылды (видео)

Ақтау маңында қоқыс таситын көлік жарылып, дүкен ғимаратының әйнегі шағылды. Оқиғаның егжей-тегжейі Маңғыстау облысы ТЖМ баспасөз қызметінде айтылды, деп хабарлайды Lada.kz.

Ведомствоның мәліметінше, 7 қыркүйек күні түстен кейін сағат 12.01-де Мұнайлы ауданындағы тасжолда мейрамханалардың бірінің маңында қоқыс таситын көліктің өртенгені туралы ақпарат келіп түскен.

Өрт сөндірушілер оқиға орнына сағат 12.09-да жеткен. Олар келгенше 120 литрлік газ баллоны жарылған.

Салдарынан жарылыс толқынынан әйнегі сынып, 20 метр жерде орналасқан азық-түлік дүкенінің баннеріне зақым келген.

Құрбандар мен зардап шеккендер жоқ. Қосымша көмек қажет болмады. Көлік толығымен жанып кетті.

Өрт сағат 12.19-да сөндірілді.