Тұрғын үй кешенінде лифтіде астаналық әйелдің басына плитка құлап кетті: қылмыстық іс қозғалды

Бүгін Астанадағы тұрғын үй кешендерінің бірінде әйел адамның басына плитка құлап, ол алған жарақатынан ауруханаға түсті. Бұл жайт бойынша қылмыстық іс қозғалды, деп хабарлайды KAZ.NUR.KZ тілшісі қалалық полиция департаментіне сілтеме жасап.

Бүгін таңертең елордадағы тұрғын үй кешенінде әйелдің басына лифт сыртындағы плитка құлады. Тұрғынның миы шайқалып, ауруханаға жатқызылды.

Елордалық полиция департаменті бұл жайт бойынша қылмыстық іс қозғалғанын хабарлады.

"Полиция қызметкерлері әйелдің үстіне кафель плиткасының құлауы бойынша қылмыстық іс қозғады, 27 қыркүйекте сыртқа шығып бара жатқанда лифттің беткі қабатындағы плитка опырылып түскен. Елорда тұрғыны ауруханаға жеткізілді. Лифтке қатысты тексеру жүргізіліп жатыр, соның нәтижесі бойынша заңға сәйкес шаралар қолданылады", - делінген ведомство жауабында.

Былтыр мамыр айында Жамбыл облысында қатты дауыл болып, ғимараттың шатырын жұлынып, өтіп бара жатқан адамның үстіне құлаған болатын. 57 жастағы әйел ауыр халде ауруханаға жеткізілген еді.

Мәтіннен қате тапсаңыз, бізге жазыңыз