"Қорқып, жылады": Шымкентте екі жасар бала көлікте қамалып қалған (видео)

Шымкентте құтқарушылар көлікте қамалып қалған екі жасар ұлды шығарып алды. Бұл туралы KAZ.NUR.KZ хабарлайды.

Баланы құтқару сәтінің видеосы жедел көмек қызметінің Instagram-дағы парақшасында жарияланды.

"Екі жасар бала көлікте қамалып қалып, шыға алмады. Ол қорқып, жылады. Ал ата-анасы не істерін білмеген.

Біз ол жерге дереу жеттік. Біздің тәжірибелі құтқарушымыз санаулы минутта көліктің есігін ашты. Бала құтқарылып, ата-анасы перзентін құшағына алды", - делінген жедел көмек қызметінің жазбасында.

Еске салайық, Шымкентте тереңдігі 3 метр болатын шұңқырға құлап, өздігінен шыға алмаған 20 жастағы жігіт құтқарылған еді. Оқиға орнына келген құтқарушылар альпинистік жабдықтың көмегімен оны шұңқырдан шығарып, жедел медициналық жәрдем қызметкерлеріне тапсырды.

Сондай-ақ Шымкентте құтқарушылар басына "горшок" киіп алып, шеше алмаған екі жасар балаға көмекке келген болатын. Мамандар аспалы құралдардың көмегімен баланың басынан "горшокты" абайлап шешіп алған.

Мәтіннен қате тапсаңыз, бізге жазыңыз