"Тасжолда қалып қойған": Ақтөбе облысында автобустан шетелдіктер эвакуацияланды

Ақтөбе облысында кеше, 4 қараша күні шетелдіктер мінген автобус істен шықты. Жолаушыларға құтқарушылар көмекке келді, деп хабарлайды Төтенше жағдайлар министрлігіне сілтеме жасаған KAZ.NUR.KZ.

Төтенше жағдайлар министрлігінің Telegram-дағы арнасында пайда болған ақпаратқа сәйкес, Ақтөбе облысы "Самара-Шымкент" тас жолында Өзбекстан мен Тәжікстан Республикаларында тұратын 38 жолаушысы бар автобус сынып жолда қалды.

Құтқарушылардың үйлесімді әрекеттерінің арқасында барлық жолаушылар Ырғыз ауылына аман-есен жеткізілді, оларға қажетті қолдау көрсетілді.

Қиын сәтте көмекке Қазақстан ТЖМ құтқарушылары келді.

Еске салсақ, бұған дейін желіде Семейдегі сауда орталығының маңында жолаушылар автобустарының үстіне металл конструкция құлағаны туралы ақпарат пайда болған еді.

Абай облыстық полиция департаментінің баспасөз қызметінің хабарлауынша, бүгін сағат 12.15-те "102" арнасына орталық автовокзал аумағында болған оқиға туралы хабарлама келіп түскен.

Оқиға орнына полиция қызметкерлері жедел жеткен.