Желіде Талғардағы жер сілкінген сәттің видеолары жарияланды
Опубликовано:
Бүгін таңертең Алматы мен Алматы облысында жер сілкінді. Талғар ауданында 4 баллдық жер сілкінісі тіркелген. Бұл туралы KAZ.NUR.KZ хабарлайды.
Куәгерлер жер сілкінісі кезінде не жағдай болғанын, сондай-ақ жергілікті тұрғындардың қалай әрекет еткенін көрсетті. Кадрлар Instagram-дағы kris_p_talgar парақшасында жариялады.
Жер сілкінген сәт бейнебақылау камераларына да түсіп қалған: жер сілкінісінен құрал-жабдықтар дірілдеп, гуіл де естілген. Камералардың біріне иттің жер сілкінісінен қалай қорқып кеткені түсіп қалған.
Айта кетейік, жарияланған видеоларда дауыс зорайтқыштар арқылы жергілікті тұрғындардың оқиға туралы хабардар болып жатқанын естуге болады.
Еске салсақ, бұған дейін Алматы қаласы мен Алматы облысы аумағында жер сілкінгені туралы хабарлаған едік.
Кейіннен ТЖМ жер сілкінісі кезінде не істеу керек екенін айтты.
Төтенше жағдайлар министрлігі Telegram-дағы арнасында жер асты дүмпуінің сезілуіне қатысты мәлімет жариялады.
Жер сілкінісі ошағы Қазақстан аумағында Алматы қаласынан шығысқа қарай 33 км жерде орналасқан.
ТЖМ ақпаратынша, Алматы облысының Талғар қаласында қираулар мен зардап шеккендер туралы ақпарат түскен жоқ. Тіршілікті қамтамасыз ету нысандары штаттық режимде жұмыс істеуде.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2183187-zhelide-talgardagy-zher-silkingen-satting-videolary-zhariialandy/