ТЖД өкілдері ауа райына байланысты алматылықтарға ескерту жасады

ТЖД өкілдері қатты жел мен жауын-шашынға байланысты алматылықтарға үндеу жасады. Бұл туралы KAZ.NUR.KZ ведомствоның баспасөз қызметіне сілтеме жасап хабарлайды.

Алматы қаласының төтенше жағдайлар департаменті "Қазгидрометтің" ауа райына байланысты ескертуі негізінде 6 қарашада күндіз Алматы қаласында қатты жауын-шашын жауатынын, таулы аймақтарда батыстан соғатын қатты желдің екпіні секундына 15-20 метрге дейін жететінін хабарлады.

Төтеншеліктер Алматыда қатты жаңбыр жауатыны туралы ескертуге байланысты қала тұрғындарын жолда абай болуға шақырып, Іле-Алатау тауларына шықпауды ескертті.

Олар жеке тұрғын үй иелерінен жаңбыр суын ағызу үшін дренаждық жүйелерді тазалап, дайындық шараларын жүргізуді сұрады.

"Егер көшеде жаңбыр жауса, электр желілерінің тұтастығына назар аударыңыз; көліктерді ағаштардың астында қалдырмаңыз. Әлсіз нығайтылған құрылымдардың астында тұрмаңыз: олар адамдарды жарақаттауы мүмкін. Жаяу жүргіншілер де абай болуы керек, жаңбыр кезінде жүргізушілер сізді көрмей қалуы мүмкін екенін еске сақтаңыз", - дейді ТЖД өкілдері.

Мәтіннен қате тапсаңыз, бізге жазыңыз