Ақтауда қатты жаңбырдан кейін көшелерді су басты (фото)

Ақтауды қатты жаңбырдан кейін су басты. Қала көшелерінде жауған жаңбырдың салдарын коммуналдық қызмет бригадалары жоюда, деп хабарлайды Ақтау әкімдігіне сілтеме жасаған KAZ.NUR.KZ.

Қала әкімдігінің ақпаратынша, Ақтауда коммуналдық сала қызметкерлері автомобиль жолдарында жиналған жаңбыр суын сорып алу жұмыстарын жүргізді.

Қазір қаланың бірнеше ықшамауданында су тарту жұмыстары жүргізілуде.

"Бұл жұмыстарға 3 жауапты шебер, 21 жол жұмысшы, 4 жүргізуші, 1 бойлер 3 газель және 6 мотопомпа жұмылдырылды. Автомобиль жолдарынан 350 м3 су алынды. Су алу жұмыстары жалғасуда", - делінген хабарламада.

Айта кетейік, 5 қарашада Ақтауда қатты жел тұрып, ағаштар мен аялдамалар құлап, бірнеше адам жарақат алып, аруханаға жеткізілгенін жазған едік.

Сондай-ақ 6 қарашада Маңғыстау облысындағы мектептер мен колледждерде сабақ қашықтан оқытылды. Бұған ауа райының қолайсыздығы себеп болды.

Мәтіннен қате тапсаңыз, бізге жазыңыз