Жамбыл облысында көліктер тиелген автотасығыш өртке оранды (видео)

Жамбыл облысындағы тасжолда өрт болды. Көліктер тиелген тасымалдаушы өртенді. Құтқарушылар 4 көлікті өрттен сақтап қалды, деп хабарлайды Төтенше жағдайлар министрлігіне сілтеме жасаған KAZ.NUR.KZ.

Ведомство мәліметінше, Жамбыл облысының Жуалы ауданы аумағындағы "Алматы-Ташкент" республикалық маңызы бар тасжолда 8 жеңіл автокөлік тиелген автотасығыш өртенген.

"Құтқарушылардың жедел әрекеттерінің арқасында 4 жеңіл автокөлікке өрт тиген жоқ. Өрт сөндірілді. Қайтыс болғандар жоқ. Өрттің себебі анықталып жатыр", - делінген хабарламада.

Айта кетейік, бірер күн бұрын Алматы облысында әскери қызметкер жанып жатқан үйден көршілерін құтқарып қалды.

Сондай-ақ қараша айының басында Жамбыл облысындағы Шу қаласында өрт сөндіру қызметінің қызметкерлері өртеніп жатқан көлікті сөндіргенін жазған едік.

Мәтіннен қате тапсаңыз, бізге жазыңыз