Алматыда қар жауып, жолдарда 11 балдық кептеліс пайда болды (видео)

Алматыда бүгін, 8 қарашада кешке ауа райы бұзылып, қар жауды. Ауа райының қолайсыздығынан жолдарда қатты кептеліс пайда болды, деп хабарлайды KAZ.NUR.KZ.

"2 ГИС" деректері бойынша қазіргі уақытта Алматыда 11 балдық көлік кептелісі байқалады.

"Қараша қайдағы қар", "Ой, қар жауып тұр", "Сұмдық кептеліс", "Жүргізушілерге сабыр берсін", - дейді көлік жүргізушілері.

Әлеуметтік желіде алматылықтар жолдағы жағдайды түсірген кадрлармен бөлісуде. Такси бағасы да күрт өсті.

Айта кетейік, бүгін Алматыда қар және жаңбыр жауатынын хабарлаған болатынбыз. Күндіз ауа температурасы 5 градусқа дейін көтеріліп, түнде 0 градусқа дейін түседі. Желдің жылдамдығы 4,7 м/с болмақ.

Еске салсақ, бұған дейін Астана тұрғындарына ауа райының қолайсыздығы туралы тағы да ескерту жасалғаны туралы жазған едік. Қалада қарлы боран соғып, жел күшейеді.