Қарағандыда әкімдік қызметкерлері шұғыл эвакуацияланды

Бүгін, 12 қарашада түскі уақыт шамасында Қарағанды қаласы әкімдігінің ғимаратында электр желісі тұйықталып, қызметкерлер эвакуацияланды. Бұл туралы Ekaraganda.kz сайтына сілтеме жасаған KAZ.NUR.KZ хабарлайды.

Төтенше жағдайлар департаментінің мәліметінше, қоңырау 23:46-да түскен. Оқиға орнына жеке құрамнан 20 адам мен бес техникадан тұратын өрт сөндіру қызметі жеткен.

Өрт сөндірушілер ғимараттың жертөлесінде қысқа тұйықталу болғанын, бірақ өрт шықпағанын анықтады.

Алайда әкімдік қызметкерлері ғимараттан өз бетінше эвакуацияланған. Ведомствоның баспасөз қызметі ешкім зардап шекпегенін хабарлады.

Айта кетейік, бұған дейін Көкшетаудағы ағаш шеберханаларының бірінде өрт шыққанын жазған едік. Төтеншеліктер пеш жағу бөлмесінің өртенгенін анықтады.

Өрт сөндірушілер шақыру түскен сәттен бастап 26 минут ішінде 10 ш.м. алаңда өртті сөндіріп әрі қарай таралуына жол бермеді.

Автор: Динар Мұрат

Мәтіннен қате тапсаңыз, бізге жазыңыз