Литвада жүк ұшағы тұрғын үйге құлап, бір адам қаза тапты (видео)

Литваның Вильнюс қаласында жүк ұшағы екі қабатты тұрғын үйдің үстіне құлап, өрт шықты. Экипаж мүшелерінің бірі қаза тауып, екеуі жарақат алды деп хабарлайды KAZ.NUR.KZ.

Delfi.lt сайтының ақпаратына сәйкес, полицияның хабарлауынша, сағат 5:31-де Вильнюстің Жирню көшесінде жүк ұшағы апатқа ұшырағаны туралы хабарлама түскен. Ұшақта төрт адам болған: екі ұшқыш пен екі қызметкер.

Өрт қауіпсіздігі және авариялық-құтқару жұмыстары басқармасының жағдайды үйлестіру бөлімі өкілі мәліметінше, ұшақ екі қабатты тұрғын үйдің үстіне құлаған. Куәгерлердің айтуынша, жолдың оқиға орнына іргелес жатқан бөлігі жабылған.

Telegram-дағы BAZA арнасы таратқан алдын ала мәлімет бойынша, үйде тұратын адамдар зардап шекпеген.

РБК апат салдарынан бір адам қаза тауып, екеуі ауруханаға жеткізілгенін хабарлады.

Жергілікті ақпарат құралдарының хабарлауынша, аман қалғандардың бірі – ұшақтың ұшқышы.

Telegram-дағы SHOT арнасындағы мәлімет бойынша, ұшақ испаниялық Swiftair әуе компаниясына тиесілі және DHL атынан ұшқан.

Мәтіннен қате тапсаңыз, бізге жазыңыз