Қазақстанның оңтүстігінде тасжолда жолаушылар автобусы аударылды
Опубликовано:
Жамбыл облысы Шу ауданында жолаушылар автобусы аударылып қалды. Құтқарушылар 9 адамды қауіпсіз жерге эвакуациялады, деп хабарлайды Төтенше жағдайлар министрлігіне сілтеме жасаған KAZ.NUR.KZ.
Ведомство мәліметінше, 6 желтоқсанда 112 пультіне Жамбыл облысы Шу ауданы "Алматы-Ташкент" автожолының 245 шақырымында жолаушылар автобусы аударылғаны туралы хабарлама келіп түскен.
Оқиға орнына ТЖМ жедел-құтқару жасағының құтқарушылары дереу жетіп 9 адамды жақын маңдағы дәмханаға эвакуациялады.
Ведомство өкілдері олар медициналық көмекке мұқтаж болмағанын айтты.
Еске салайық, Ақтөбе облысында шетелдіктер мінген автобус істен шықты. Жолаушыларға құтқарушылар көмекке келгенін жазған едік.
Сондай-ақ Қарағанды облысында полицейлер ішінде 55 адамы бар бұзылған қалааралық автобустың жолаушылары мен жүргізушісіне көмек көрсеткен болатын.
Оригинал статьи: https://kaz.nur.kz/accidents/emergency/2197137-qazaqstannyng-ongtustiginde-taszholda-zholaushylar-avtobusy-audaryldy/