Алматы облысында бір жасар бала дәліз құдығына түсіп кетті (видео)

Алматы облысында ТЖМ қызметкерлері ерекше құтқару операциясын өткізді. Олар дәліз құдығына түсіп кеткен екі баланы құтқарған, деп хабарлайды ТЖМ баспасөз қызметіне сілтеме жасаған KAZ.NUR.KZ.

ТЖМ-ның Telegram-дағы ресми арнасындағы ақпаратқа сәйкес, оқыс оқиға Ұйғыр ауданының Шонжы ауылында болған.

Жеке тұрғын үйдің аумағында бір жасар бала терендігі екі метр дәліз құдығына түсіп кеткен. Оны көріп көмекке асыққан сегіз жасар әпкесі де құдыққа түсіп, қайта шыға алмаған. Ата-анасы құтқарушылардан көмек сұраған.

ТЖМ қызмкерлері шақырту орнына жедел жетіп, құтқару арқанының көмегімен құдықтан балаларды құтқарды. Балалар зардап шеккен жоқ.

ТЖМ өкілдері төтенше жағдай туындаған жағдайда 112 нөміріне қоңырау шалуды ескертті.