Астананың сол жағалауындағы бірқатар тұрғын үй жарықсыз қалды

Бүгін, 13 желтоқсанда Астананың сол жағалауында орналасқан бірқатар тұрғын үй жарықсыз қалды. "Астана АЭК" оқиғаның мән-жайын түсіндірді, деп хабарлайды KAZ.NUR.KZ.

"Астана АЭК" АҚ баспасөз қызметінің хабарлауынша, бүгін "Шұбар" қосалқы станциясында 10 кВ ұяшықтар өшірілген. Шектеуде үш тарату пункті бар. Оған кабельдік желіні ұрлау себеп болды. 

"4 жедел-көшпелі бригада оқиға орнында жұмыс істеп жатыр. Ауыстырулар жүргізіліп жатыр. Қолайсыздықтар үшін кешірім сұраймыз және түсіністік танытқандарыңызға алғыс айтамыз", - делінген ресми хабарламада.

Zakon.kz басылымының хабарлауынша, жарықсыз қалған ғимараттар:

• "Арайлым" тұрғын үй кешені;
• "Премиум" тұрғын үй кешені;
• "Новый мир" тұрғын үй кешені;
• "Нұрсая" тұрғын үй кешені;
• "Парковый" тұрғын үй кешені;
• Қонаев 7, 31 мекен-жайы бойынша орналасқан әкімшілік ғимараттар.