Орал қаласында құтқарушылар мұз үстінде жүре алмай қалған 6 бас ірі қара малды құтқарды (видео)

Орал қаласындағы Зашаған кентінде құтқарушылар мұз үстінде жүре алмай қалған 6 бас ірі қара малды құтқару арқанының көмегімен құтқарды. Бұл туралы KAZ.NUR.KZ ТЖМ-ге сілтеме жасап хабарлайды.

Бүгін, 14 желтоқсанда Орал қаласындағы Зашаған кентінде бірнеше ірі қара мал мұз үстінде жүре алмай қалған.

Мұз қатқан су қоймасынан ТЖМ жедел-құтқару жасағының құтқарушылары жүре алмай тұрған 6 бас ірі қара малын құтқару арқанының көмегімен жағаға шығарды.

Ведомство өкілдері төтенше жағдай туындаған жағдайда 112 нөмірі бойынша хабарласуды сұрады.

Айта кетейік, 14 желтоқсанда Алматыда техникалық қызмет көрсету станциясы өртеніп, өрт сөндірушілер кәсіпкердің мүлкін өрттен сақтап қалды.

Мәтіннен қате тапсаңыз, бізге жазыңыз