"Екі қыз есінен танып қалған": Қостанайда сырғанақ тепкен бірнеше бала жарақат алды

Қостанайда жексенбі, 22 желтоқсанда алты бала сырғанау кезінде түрлі жарақат алды. Бұл туралы KAZ.NUR.KZ қалалық жедел жәрдем қызметіне сілтеме жасап хабарлайды.

Қостанай қалалық жедел медициналық жәрдем қызметінің Instagram-дағы парақшасында хабарланғандай, кеше қала орталығындағы сырғанақ тепкен алты бала түрлі жарақат алып, оның бесеуі ауруханаға жатқызылды.

Жедел жәрдем қызметкерлерінің айтуынша, жарақат алған екі қыз есінен танып қалған. Олар дәрігерлер келгенше, бірнеше сағат бойы ес-түссіз болған.

"Құрметті ата-аналар, мұз сырғанақтар көңіл көтеретін орын ғана емес, қауіпсіздік ережелері сақталмаған жағдайда аса қауіпті нысан екенін ұмытпаңыздар.

Кәмелетке толмаған балаларды қараусыз қалдырмаңыздар. Балалардың өмірі мен денсаулығы ең алдымен сіздің жауапкершілікте", - делінген жедел жәрдем қызметінің хабарламасында.

Мәтіннен қате тапсаңыз, бізге жазыңыз