Атырауда 5 жасар бала басын орындыққа қысып алған
Опубликовано:
Дүйсенбі, 23 желтоқсанда Атырау қаласының құтқарушылары орындыққа басын қысып алған бес жасар балаға көмектесті. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.
Төтенше жағдайлар министрлігінің Telegram-дағы арнасында жарияланған ақпаратқа сәйкес, Атырауда 2019 жылы туған бала ойнап жүріп басын орындықтың арқалығына қысып алған.
Баланың басын орындық арқалығынан өздігінен шығара алмаған ата-анасы 112 нөміріне хабарласқан.
"Құтқарушылар қыстырылып қалған баланың басын бірден "Holmatro" құралы көмегімен босатты", - делінген хабарламада.
Еске салсақ, бұған дейін осыған ұқсас жағдай Шымкент қаласында болған еді. Құтқарушылар басына горшок киіп алған екі жасар балаға көмекке келген. Мамандар аспалы құралдардың көмегімен баланың басын босатқан.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2203952-atyrauda-5-zhasar-bala-basyn-oryndyqqa-qysyp-algan/