Қарағандыда автобус өртеніп кетті (видео)

Кеше, 23 желтоқсанда Қарағанды облысында автобус өртке оранды. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.

Министрліктің Telegram-дағы арнасында жарияланған ақпаратқа сай, өрт Қарағандыдағы Ермеков көшесінде 15 шаршы метр аумақта болған.

"Дереу келген құтқарушылар автобустың ашық жалынмен жанып жатқанын анықтады. Құтқарушылардың үйлесімді әрекеттерінің арқасында өртті тез арада сөндіріп, жақын маңдағы автобусты өрттен қорғауға мүмкіндік туды", - делінген хабарламада.

Зардап шеккендер жоқ.

ТЖМ өкілдері автокөлікті пайдалану және электр жабдықтарын мерзімді диагностикалау кезінде өрт қауіпсіздігі ережелерін сақтау қажеттігін еске салды.

Бұған дейін Орал қаласында да жолаушылар автобусы өртенген болатын. Сырым Датов көшесі бойында жолаушы автобусының қозғалтқышынан өрт шыққан.

Мәтіннен қате тапсаңыз, бізге жазыңыз