Шымкенттік құтқарушылар тасжолда қалған адамдарға көмектесті (видео)
Опубликовано:
Шымкенттік құтқарушылар Алматы-Термез тасжолында қалған адамдарға көмектесті. Бұл туралы KAZ.NUR.KZ қалалық ТЖД баспасөз қызметіне сілтеме жасап хабарлайды.
ТЖД мәліметіне сүйенсек, өткен түнде Шымкент қаласы ТЖД Түркістан облыстық ТЖД өкілдерімен өзара әрекеттестік аясында зардап шеккендерге көмекке аттанған.
Алматы-Термез тасжолының 833-шақырымында, Сайрам ауданына қарасты Машат ауылының маңында қолайсыз ауа райы салдарынан 27 адам, оның ішінде 5 бала жолда қалып қойған.
Құтқарушылар оқиға орнына жедел жетіп, эвакуация жұмыстарын жүргізіп, барлығын Шымкентке аман-есен жеткізді.
Осы ретте Шымкент ТЖД қала тұрғындары мен қонақтарына ауа райының қолайсыздығына байланысты алыс сапарға шығудың қауіпті екенін ескертті.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2209514-shymkenttik-qutqarushylar-taszholda-qalgan-adamdarga-komektesti-video/