ҚБТУ ғимаратындағы өрт: оқу орны өкілдері оқыс жайтқа байланысты мәлімдеме жасады

12 қаңтарға қараған түні Қазақстан-Британ техникалық университеті ғимаратының 4-қабатында өрт шықты. Өрт түнгі бірден кете сөндірілді, өрт сөндіруге 78 маман жұмылдырылды. Бүгін оқу орны өкілдері болған жайтқа байланысты мәлімдеме жасады, деп хабарлайды KAZ.NUR.KZ.

Өртке байланысты мәлімдеме Қазақстан-Британ техникалық университетінің Instagram-дағы ресми парақшасында жарияланды.

"Қазіргі уақытта құзыретті органдармен бірлесіп, оқиғаның себептері тексеріліп жатыр. Қазақстан-Британ техникалық университеті студенттер мен қызметкерлердің қауіпсіздігін қамтамасыз ету үшін барлық қажет шараны қабылдайды.

Оқу сабақтарының форматы мен кестесіне қатысты ақпарат студенттерге жақын арада жіберіледі", - делінген мәлімдемеде.

Бұған дейін Алматыдағы ҚБТУ ғимаратында өрт шыққанын жазған едік. Өрт сөндірушілер Төле би көшесіндегі ғимараттардың бірінде шыққан өртті сөндіріп жатқаны туралы алғашқы хабарлама 11 қаңтар сағат 22:10-да жарияланды.

Төтеншеліктер өрт орнында жедел штаб құрылғанын хабарлады. Өртті сөндіруге Алматы төтенше жағдайлар департаментінің 78 құтқарушысы мен 28 техникасы жұмылдырылды.

Сағат 00:26-да өрт оқшауланды. ТЖД өкілдері сағат 01:10-да 120 шаршы метр аумақтағы өрт толығымен сөндірілгенін хабарлады.

Оқиға салдарынан зардап шеккендер жоқ, өрттің шығу себебі анықталуда. Оқиға орнында анықтаушылар жұмыс істеп жатыр.

Мәтіннен қате тапсаңыз, бізге жазыңыз