Түркістан облысында газ баллоны жарылып, алты адам ауруханаға түсті

Түркістан облысы Созақ ауданында жеке тұрғын үйлердің бірінде газ баллоны жарылды. Алты адамды, оның ішінде бес баланы термиялық күйік шалған. Ауруханаға жеткізілген үш адам жансақтау бөлімінде жатыр, деп хабарлайды ҚазАқпарат.

Ақпарат агенттігінің хабарлауынша, оқиға Созақ ауданы Аққолтық ауылында болды. Жеке тұрғын үйде 27 литрлік тұрмыстық газ баллоны жарылып, 180 шаршы метрлік жеке тұрғын үй толығымен қирап қалды.

Өрт сөндіру бөлімшесінің қызметкерлері келгенге дейін көршілер үйінді астынан термиялық күйік шалған алты адамды ауруханаға жеткізген. Оның ішінде кәмелетке толмаған бес бала бар.

Өрт сөндіру бөлімшесінің қызметкерлері келгенге дейін көршілер үйінді астынан термиялық күйік шалған 6 адамды ауруханаға жеткізген. Оның ішінде кәмелетке толмаған 5 бала бар.

"Жарылыс салдары анықталып жатыр. Сағат 21:40-та қираған үйіндіні ашу жұмыстары барысында 20 шаршы метр қираған төбе жаппасының  жанғаны анықталды. Өрт сағат 21:55-те оқшауланып, сағат 23:12-де толық сөндірілді. 6 адам ауруханаға жеткізілді. Қазір үшеуі жансақтау бөлімінде ем қабылдап жатыр", - деді Созақ аудандық Төтенше жағдайлар бөлімінің бастығы, азаматтық қорғау подполковнигі Қанат Ақбаев.

Мәтіннен қате тапсаңыз, бізге жазыңыз