Талдықорғанда әйел үшінші қабаттың балконында қамалып қалды

Талдықорғанда көп қабатты үйде тұратын әйел балконда қамалып қалды. Баласы пәтерде жалғыз қалған тұрғынға құтқарушылар көмекке келді, деп хабарлайды KAZ.NUR.KZ ТЖМ Telegram-дағы арнасына сілтеме жасап.

ТЖМ баспасөз қызметінің хабарлауынша, 112 пультіне Талдықорған қаласында әйел балконда қамалып қойып, пәтерде кішкентай бала қалғаны туралы хабарлама келіп түскен.

Оқиға орнына ТЖМ құтқарушылары келіп, автосатының көмегімен үшінші қабаттағы пәтерге балкон арқылы кіріп, есікті ашты.

"Үшінші қабатта әйел адам балконға шыққан, ішіндегі баласы есікті жауып тастаған. Пәтерге кіре алмаған", - дейді оқиға орнына барғандар.

Құтқарушылар жедел әрекет етіп, әйел мен баланы келеңсіз жағдайдан құтқарды.

Мәтіннен қате тапсаңыз, бізге жазыңыз