Ұлытаудағы шахтаның опырылуы: қылмыстық іс қозғалды

Полицейлер Ұлытаудағы шахтада болған қайғылы оқиғаға қатысты қылмыстық іс қозғалғанын мәлімдеді, деп хабарлайды облыстық полиция департаментіне сілтеме жасаған KAZ.NUR.KZ.

Полицейлердің мәліметінше, бұл оқиға бойынша Қазақстан Қылмыстық кодексі 277-бабының 3-бөлігі "Тау-кен немесе құрылыс жұмыстарын жүргізу кезінде қауіпсіздік ережелерін бұзу" дерегі бойынша іс қозғалды.

Оқиға орнында Ұлытау облысы полиция департаментінің жедел-тергеу топтары жұмыс істеп жатыр. Қазіргі уақытта барлық қажетті тергеу амалы жүргізіліп жатыр.

17 ақпанда Ұлытау облысындағы "Жомарт" кен орнында тау-кен массасы опырылған еді. ТЖМ дерегінше, оқиға орнында жеті жұмысшы болған.

Оқиға орнына дереу Ұлытау және Қарағанды облыстары ТЖД күштері мен құралдары, оның ішінде кинологиялық есептоптар, Апаттар медицинасы орталығының медицина қызметкерлері мен Қазақстан ТЖМ психологтары жіберілді.

Барлық жеті жұмысшының денесі жер бетіне шығарылып, сот-медициналық сараптамаға полиция қызметкерлеріне тапсырылды.