Конгода жарғанат жеген 53 адам көз жұмды (видео)

Конго Демократиялық Республикасында жарғанат етін жеген 53 адам көз жұмды, деп хабарлайды 24kz.

Бұған дейін белгісіз аурудан бес жасқа толмаған үш бала қайтыс болған. Бұл туралы жергілікті денсаулық сақтау қызметі хабарлады. Олардың мәліметіне қарағанда, шалғай ауылдарда осыған ұқсас 431 жағдай тіркелді.

Науқастардың алдымен қызуы көтеріліп, құсу, мұрыннан қан кету белгілері байқалған. Артынша екі тәуліктен кейін науқастар өлім құшқан. Әзірге тұрғындардың жаппай өліміне не себеп екені белгісіз. Алдын ала мәлімет бойынша олар өлген жарғанат жеген. Тексеру жұмыстары жүріп жатыр.

Еске салсақ, бұған дейін Қазақстан Денсаулық сақтау министрлігі Қытай ғалымдары жарқанаттардан жаңа коронавирус тапқаны туралы шетелдік БАҚ-та жарияланып жатқан ақпаратқа қатысты мәлімдеме жасағанын жазған едік. Министрлік аурудың алдын алу үшін қандай профилактика шараларын қолдану керегін назарға ұсынған.

Мәтіннен қате тапсаңыз, бізге жазыңыз