Алматыдан Лондонға бет алған ұшақ шұғыл түрде Атырауға қонуға мәжбүр болды

Бүгін Air Astana ұшағы Атырауға қонуға мәжбүр болды. Оған қарсы соққан жел себеп болған, деп хабарлайды әуе компания баспасөз қызметіне сілтеме жасаған KAZ.NUR.KZ.

Atyrau Online Telegram-арнасында Air Astana ұшағы шұғыл түрде Атырау әуежайына қонуға мәжбүр болғаны туралы ақпарат жарияланған. Ұшақ Алматыдан Лондонға бет алғаны хабарланған.

KAZ.NUR.KZ тілшісі әуе компания баспасөз қызметіне сұрау салып, оқиғаның мән-жайын анықтады.

"Алматы-Лондон бағыты бойынша КС663 рейсімен ұшқан Air Astana ұшағы қарсы соққан желдің кесінінен жүктеме бойынша шектеулерді болдырмау үшін отын құю мақсатында Атырауға қонды", - деп түсіндірді баспасөз қызметі.

Айта кету керек, бұған дейін Астанаға жақын Жоламан әуеайлағы маңында жеңіл моторлы ұшақ апатқа ұшырап, екі адам мерт болғанын жазған едік.

Мәтіннен қате тапсаңыз, бізге жазыңыз