Қостанай облысында лифттен шыға алмай қалған екі бала құтқарылды

Қостанай облысында ТЖМ құтқарушылары лифт ішінде қалып қойған балаларға көмекке келді, деп хабарлайды министрлікке сілтеме жасаған KAZ.NUR.KZ.

Қостанай облысы Рудный қаласында лифт ішінде 2012 және 2016 жылы туған балалар құлыпталып қалған. Оқиға орнына ТЖМ құтқарушылары келді.

Аспалы құралдардың көмегімен құтқарушылар лифт есігін ашып, балаларды құтқарды. Олар медициналық көмекке мұқтаж болған жоқ.

ТЖМ лифттен шыға алмай қалған жағдайда не істеу қажет екенін еске салды:

• сабырлық сақтап, қасыңыздағыларды тыныштандырыңыз;
• диспетчерге хабарласыңыз;
• барлық батырманы қатарынан баспаңыз;
• лифт есігін өз бетіңізше ашуға тырыспаңыз;
• барлық сыртқы байланыс арнасын пайдаланыңыз.

Мәтіннен қате тапсаңыз, бізге жазыңыз