Шымкент мұнай өңдеу зауытындағы қайғылы оқиға: қылмыстық іс қозғалды
Жарияланған күні:
Шымкент мұнай өңдеу зауытында екі адам қаза болған оқиғаға қатысты қылмыстық іс қозғалды, деп хабарлайды қалалық полиция департаментіне сілтеме жасаған Kazinform.
Полицияның мәліметінше, аталған фактіге байланысты "еңбек қауіпсіздігі ережелерін бұзу салдарынан адамдардың қаза болуы" бабы бойынша іс қозғалған.
"Қазіргі уақытта оқиғаның барлық мән-жайын анықтауға бағытталған кешенді тергеу амалдары жүргізіліп жатыр. Тергеу аяқталғаннан кейін іс бойынша процессуалдық шешім қабылданады", - делінген Шымкент қалалық полиция департаментінің ақпаратында.
Айта кетейік, бұған дейін Шымкент мұнай өңдеу зауытында оқшаулау жұмыстарын жүргізу кезінде автокөтергіш аударылып, салдарынан екі жұмысшы қаза тапқаны хабарланған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2280039-shymkenttegi-munai-ongdeu-zauytyndagy-qaigyly-oqigaga-qatysty-qylmystyq-is-qozgaldy/