Астанада пәтерлердің бірінен өрт шығып, 25 адам эвакуацияланды

Елордалық құтқарушылар көпқабатты үйлердің біріндегі пәтерден шыққан өртті сөндірді. 25 адам өз бетінше қауіпсіз жерге шыққан, деп хабарлайды ТЖМ-ға сілтеме жасаған KAZ.NUR.KZ.

Ведомствоның мәліметінше, бүгін 112 пультіне Астана қаласындағы Ғ. Мүсірепов көшесінде орналасқан бес қабатты тұрғын үйдегі бір пәтерден өрт шыққаны туралы хабарлама келіп түскен.

Оқиға орнына келген ТЖМ қызметкерлері төртінші қабаттағы пәтерден шыққан өртті (шағын аумақта) жедел түрде сөндірген.

"25 адам, оның ішінде 7 бала өз бетінше эвакуацияланды. Өрттің басқа пәтерлерге таралуына жол берілмеді. Өрттің шығу себебі анықталып жатыр", - делінген хабарламада.

ТЖМ тұрғындарды өрт қауіпсіздігі ережелерін қатаң сақтауға шақырады.

Мәтіннен қате тапсаңыз, бізге жазыңыз