Өскеменде балалар аспалы жаяу жүргіншілер көпірін зақымдады: бірнеше адам жарақат алды

Өскемендегі "Самал" саябағының жанындағы аспалы көпір жабылды, онда бірнеше адам жарақат алған. Оқиғаның мән-жайын қала әкімдігі өкілдері айтты, деп хабарлайды KAZ.NUR.KZ.

"7 мамырда сағат 20:30 шамасында Өскемен қаласындағы Карбышев көшесінде орналасқан аспалы жаяу жүргіншілер көпірінде оқыс оқиға тіркелді. Оқиға кезінде көпір үстінде 8 адам, оның ішінде төрт кәмелетке толмаған жасөспірім болған", - делінген хабарламада.

Оқиға орнына жедел түрде төтенше жағдайлар қызметі мен жедел жәрдем бригадасы жеткен. Зардап шеккендер дәрігерлердің тексеруінен өтті. Ауыр жарақаттар тіркелмеген, тек олардың денесінен жеңіл сырылу мен көгеру белгілері анықталды.

"Қазіргі уақытта зардап шеккендердің бәріне қажетті медициналық көмек көрсетілуде. Жағдай Шығыс Қазақстан облыстық денсаулық сақтау басқармасының бақылауында", - делінген хабарламада.

Алдын ала мәлімет бойынша, оқиғаға балалардың көпірді тербетіп ойнауы себеп болған. Кәмелетке толмағандар конструкцияны шайқағандарын мойындаған, соның салдарынан көпір төсеміне зақым келген.

Көпір уақытша жабылады.

Ведомстводағылардың айтуынша, биыл облыс әкімінің тапсырмасымен "Самал" саябағын қайта жаңғырту жұмыстары жоспарланған. Жоба аясында аспалы жаяу жүргіншілер көпірінің конструкциясын жаңарту және күшейту қарастырылған. Тұрғындардың қауіпсіздігін қамтамасыз ету мақсатында жөндеу жұмыстары басталғанға дейін және толық аяқталғанға дейін нысанға кіру шектеледі.

Посмотреть эту публикацию в Instagram

Публикация от ӨСКЕМЕН ҚАЛАСЫНЫҢ ӘКІМДІГІ (@oskemen_akimdigi)

Мәтіннен қате тапсаңыз, бізге жазыңыз