Астанада үш бірдей жер үй өртке оранды (фото)

Астананың Байқоңыр ауданындағы Толстой көшесінде бір-біріне жақын орналасқан үш жеке тұрғын үйден өрт шықты, деп хабарлайды ҚР Төтенше жағдайлар министрліінің баспасөз қызметі.

Алғашқы өрт сөндіру бөлімшелері келген кезде ғимараттардың шатырлары толықтай отқа оранған.

"Өртті сөндіру жұмыстары қалың түтін салдарынан қиындап отыр. 112 пультіне зардап шеккендер туралы ақпарат түскен жоқ", - делінген хабарламада.

Артынша министрліктің баспасөз қызметі қабылданған шаралар нәтижесінде өрт оқшауланғанын хабарлады.

Нақтыланған ақпаратқа сәйкес, екі жеке тұрғын үйдің шатырында және бір шаруашылық құрылыста өрт шыққан.

Қазіргі уақытта ашық жану тоқтатылып, жасырын жану ошақтарын болдырмау мақсатында су құю және құрылымдарды бөлшектеу жұмыстары жүргізіліп жатыр.

Құтқарушылар жедел түрде жану аймағынан 5 газ баллонын шығарып, ықтимал жарылыстың алдын алды. ТЖМ күштері өртті толықтай сөндірді. Өрттің шығу себебі анықталып жатыр.

Мәтіннен қате тапсаңыз, бізге жазыңыз