Түркістан облысында жолаушылар пойызы 5 жасар баланы басып кете жаздады

Түркістан облысында жолаушылар пойызының машинисі қайғылы жағдайдың алдын алып, бес жасар баланы құтқарып қалды, деп хабарлайды "Қазақстан теміржолының" баспасөз қызметіне сілтеме жасаған KAZ.NUR.KZ.

Оқиға 20 маусымда сағат 15:08-де Түркістан – Шиелі учаскесінде, Шорнақ станциясы ауданында болған.

№7/8 Алматы-2 – Саратов бағытындағы жолаушылар пойызы темір жолда қалған бес жасар баланы басып кете жаздаған.

Абырой болғанда 70 км/сағ жылдамдықпен келе жатқан пойыздың локомотив бригадасы шұғыл тежегішті басып, қайғылы жағдайдың алдын алған. Пойыз 4 минутаққа кешіккен.

"Теміржол учаскесі қоршаумен жабдықталған. Бала қауіпті аймақта ересектердің қарауынсыз болды. Локомотив бригадасының кәсібилігі мен қырағылығының арқасында қайғылы жағдайға жол берілмеді", - делінген хабарламада.

ҚТЖ ата-аналарды балаларды теміржолдар жанында қараусыз қалдырмауға және оларға теміржол көлігі объектілерінде қауіпсіз жүріс-тұрыс ережелерін түсіндіруге шақырады.

Мәтіннен қате тапсаңыз, бізге жазыңыз