Елімізде бір күнде 6 орманда өрт тіркелді

Бүгін, 9 шілдеде еліміздің бірнеше өңірінде орман өрті тіркелді. Бұл туралы Экология министрлігі хабарлады, деп жазады KAZ.NUR.KZ.

2026 жылғы 9 шілдеде еліміздің мемлекеттік орман қоры аумағында 6 орман өрті тіркелді.

Ведомство мына деректерді ұсынды.

"Өңірлер бойынша:

• Жамбыл облысы - 1 өрт;

• Наурызым қорығы – 1 өрт;"

• "Баянауыл" МҰТП - 1 өрт.

• "Семей орманы" МОТР - 1 өрт;

• "Ертіс орманы" МОТР – 2 өрт.

"Өрт ошақтары "Қазавиаорманқорғау" РМҚК-ның әуе патрульдеуі барысында және ерте анықтау жүйелері арқылы дер кезінде сонымен қатар мемлекеттік орман күзетінің бақылауы барысында анықталып, жедел әрекет ету нәтижесінде қысқа уақыт ішінде толық сөндірілді.

Өртті сөндіру жұмыстарына мемлекеттік орман күзетінің қызметкерлері, "Қазавиаорманқорғау" РМҚК-ның әуе өрт сөндіру десанттары, тікұшақтары және арнайы техника жұмылдырылды.

Өрт қауіпті кезеңде азаматтарды, табиғат аясында демалушыларды және орман пайдаланушыларды өрт қауіпсіздігі талаптарын қатаң сақтауға шақырамыз.

Орман – баршамызға ортақ байлық. Оны сақтау – әрқайсымыздың ортақ міндетіміз!", - делінген хабарламада.

Мәтіннен қате тапсаңыз, бізге жазыңыз