Солтүстік Кипрде пышақ жарақатын алған қызға қатысты тың мәлімет шықты

Қазақстанның Сыртқы істер министрлігі Солтүстік Кипрде ер адам қазақстандық қызға пышақпен шабуыл жасады деген ақпаратқа қатысты тың мәлімет берді, деп хабарлайды KAZ.NUR.KZ тілшісі.

Бұған дейін Солтүстік Кипрде әлдекім қызға пышақпен шабуыл жасағаны туралы жазған едік. Оқиға салдарынан екеуі де ауруханаға жеткізілген, қазір дәрігерлердің бақылауында.

Зардап шеккен қыз 22 жастағы қазақстандық болуы мүмкін екені, ал еліміздің Сыртқы істер министрлігі оқиғаның мән-жайын анықтап жатқаны айтылды.

Кейінірек Сыртқы істер министрлігінің баспасөз қызметі NUR.KZ тілшісіне зардап шеккен қыздың Қырғызстан азаматы екенін мәлім етті.

"Солтүстік Кипрдегі оқиға салдарынан зардап шеккен адамға қатысты мынаны хабарлаймыз: Деректерді нақтылау барысында зардап шеккен қыз Қазақстанда туған Қырғыз Республикасының азаматы екені анықталды", - делінген хабарламада.

Мәтіннен қате тапсаңыз,бізге жазыңыз