Маңғыстау облысында автобустың қатысуымен болған жол апатынан үш адам қаза тапты

Ақтау-Ақшұқыр тас жолында жол апаты болып, салдарынан үш адам қаза тапты, деп хабарлайды Маңғыстау облысы полиция департаментінің баспасөз қызметіне сілтеме жасаған "Лада" басылымы.

Белгілі болғандай жол-көлік оқиғасы 9 қаңтарда Ақтау-Ақшұқыр тас жолының 14-шақырымында, сағат шамамен 15:35-те орын алған.

Полиция ұсынған мәліметтерге сай, ZAZ Chance маркалы көлік иесі рөлге ие бола алмай, қарсы бағытқа шығып, King Long автобусымен соқтығысқан. Апат салдарынан үш адам оқиға орнында мерт болған.

Аталған факті Түпқараған ауданының полиция бөлімінің сотқа дейінгі тергеп-тексерулердің бірыңғай тізілімінде "Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы" бабы бойынша тіркелген.

Осыған орай, полиция тұрғындар мен жаяу жүргіншілерге ауа райының қолайсыздығына жолдарда өте сақ болуға шақыруда.

Мәтіннен қате тапсаңыз, бізге жазыңыз