Қызылорда облысында жасөспірім жол апатын жасады: бір адам қаза тауып, тағы үшеуі зардап шекті

Қызылорда облысында адам өліміне әкеп соққан жол апаты болды. Toyota көлігін 17 жастағы жасөспірім басқарған. Бұл туралы "ҚР ІІМ жаңалықтарының" Telegram-арнасында хабарланды.

Құқық қорғаушылардың мәліметінше, 4 мамыр күні Қызылорда облысы Шиелі кентінде 17 жастағы тұрғын Toyota автокөлігінің басқару жүйесіне ие бола алмай, жол-көлік оқиғасын жасаған.

"Жол апаты салдарынан бір жолаушы көз жұмып, жүргізушімен қоса қалғанда үшеуі жарақат алды", – делінген хабарламада.

Қазіргі уақытта Қылмыстық кодекстің 345-бабының 3-бөлігімен сотқа дейінгі тергеп-тексеру әрекеттері жүргізіліп жатыр. Тиісті сот сараптамалары тағайындалды.