БҚО-да жылқы мен жеңіл көлік соқтығысып, бір адам қаза болды

БҚО-да жеңіл көлік пен жылқы соқтығысып, салдарынан бір адам көз жұмды. Бұл туралы ІІМ-нің Telegram-дағы ресми жаңалықтар арнасында хабарланды.

Полицейлердің мәліметінше, 13 маусым күні таңертең 05:20 шамасында Казталов аудандық полиция басқармасына Казталовка-Жәнібек автожолының 18 шақырымында жол апаты болғаны туралы хабарлама келіп түскен.

Анықталғандай Lada-2110 автокөлігінің жүргізушісі жылқымен соқтығысқан. Салдарынан 30 жастағы жүргізуші оқиға орнында көз жұмған.

Қазіргі таңда бұл факті бойынша Қылмыстық кодекстің 345-бабының 3-бөлігі бойынша сотқа дейінгі тергеу амалдары басталған.

Сондай-ақ полиция қызметкерлері жылқының иесі Казталов ауданына қарасты Бірік ауылының 35 жастағы тұрғыны екенін де анықтаған.

"Оған қатысты ҚР ӘҚБтК 408-бабы бойынша әкімшілік хаттама толтырылды. Бұдан бөлек қазір жылқы иесіне қатысты шешім қабылдау бойынша ветеринариялық инспекцияға жіберу үшін ҚР ӘҚБтК 406 бабы бойынша материал жиналақталады", - деп хабардар етті құзырлы орган өкілдері.

Мәтіннен қате тапсаңыз, бізге жазыңыз