Қызылорда облысында жеңіл автокөлік пен "Газель" соқтығысып, 5 адам қайтыс болды

Бүгін Қызылорда облысының Шиелі ауданы Алмалы ауылының тұсында қайғылы жол апаты болып, салдарынан 5 адам қаза тапты. Бұл туралы ІІМ Telegram-дағы ресми арнасында хабарлады.

Ведомство мәліметінше, 23 тамызда сағат 16:00 шамасында Қызылорда облысының Шиелі ауданы Алмалы ауылының тұсында Газель және Nexiа автокөліктері соқтығысып, салдарынан 5 адам қайтыс болып, 3 адам жарақат алған.

"345-бабының 4-бөлігімен сотқа дейінгі тергеп-тексеру әрекеттері басталды. Тиісті сараптамалар тағайындалды. Оқиғаның мән-жайы анықталып жатыр", - деді Қызылорда облысы ПД бастығының бірінші орынбасары Шамшидин Амитов.

Полиция қызметкерлері жолдардағы қауіпсіздік шаралары туралы ескертеді.