Ақтөбе облысында болған жол апатынан бес айлық сәби көз жұмды
Опубликовано:
Ақтөбе облысы Мұғалжар ауданы Сағашилі аулының маңындағы Ақтөбе-Астрахань автожолында болған жол апатынан бес айлық сәби көз жұмған. Бұл туралы Telegram-дағы ІІМ ресми жаңалықтары хабарлады.
ІІМ мәліметінше, 11 қыркүйекте сағат 07:00-де Мұғалжар ауданы Сағашилі аулының маңындағы Ақтөбе-Астрахань автожолының 127 шақырымында жол-көлік оқиғасы болған.
Полиция дерегінше, 28 жастағы Kia-Ceed автокөлігінің жүргізушісі рөлді басқара алмай, көлік құралын аударып алған. Автокөліктің салонында жүргізушінің отбасы болған.
"Жол апаты салдарынан бес айлық қыз бала оқиға орнында қаза тапты, жұбайы мен 2 жасар ұлы медициналық мекемеге жеткізілді", - делінген хабарламада.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2036155-aqtobe-oblysynda-bolgan-zol-apatynan-bes-ailyq-sabi-koz-zumdy/