"Алматы-Қорғас" тасжолында екі автокөлік соқтығысып, жанып кетті (видео)

Жол апаты 18 қарашада Жаркент қаласының маңында болған. Екі бірдей Audi көлігі соқтығысқан, деп хабарлайды Polisia.kz.

Оқиға орнынан ауруханаға бес адам жеткізілді, оның біреуі медициналық тексеруден кейін ауруханаға жатқызылды.

Автокөліктер "Алматы-Қорғас" тасжолының 336-шақырымында соқтығысқан. Алдын ала болжам бойынша, автомобильдердің бірінің дөңгелегі жарылып, салдарынан жүргізуші тізгінге ие болмай, басқа көлікпен соқтығысуға жол берген.

Бұл жағдай кейіннен екі шетелдік көліктің де өртенуіне себеп болды. Өртті оқиға орнына шақырылған өртке қарсы қызметінің құтқарушылары сөндіргені айтылады

Полиция апаттың барлық мән-жайын мұқият анықтап жатыр.

Мәтіннен қате тапсаңыз, бізге жазыңыз