Қостанайда бір отбасы отырған көлік траншеяға түсіп кетті (фото, видео)

Қостанайда полиция көлік түсіп кеткен траншеяның мердігерін анықтады, деп хабарлайды ІІМ Telegram-дағы ресми жаңалықтар арнасында.

Ведеомство мәліметінше, 22 қарашада таңғы сағат 9.00 шамасында Летунов көшесіндегі үйлердің бірінің маңында Infiniti автокөлігінің 30 жастағы жүргізушісі траншеяға түсіп кетткен.

"Көлікте отбасы, оның ішінде бала болған. Апат салдарынан көлік жолаушысы зардап шекті.

Полиция кабель төсеу бойынша жөндеу жұмыстарын жүргізген мердігер ұйымды анықтады. Оқиға орнында тиісті жол белгілері болмаған", - делінген хабарламада.

ІІМ өкілдері зардап шеккендерге сот-медициналық сараптама тағайындалғанын, оның нәтижелері бойынша іс жүргізу шешімі қабылданатынын мәлім етті.

Мәтіннен қате тапсаңыз, бізге жазыңыз