Оралда жаппай жол апаты болды: қаза тапқан адам бар (видео)
Опубликовано:
Кеше кешке Оралда үш көлік соқтығысты. Зардап шеккен бес адамның бірі ауруханаға бара жатқан жолда көз жұмды, деп хабарлайды Батыс Қазақстан облысының полиция департаментіне сілтеме жасаған KAZ.NUR.KZ.
Құқық қорғау органдарының мәліметіне сүйенсек, 6 қаңтар күні сағат 20:05 шамасында Оралдағы "Оқтан" жанар-жағармай құю бекеті маңындағы айналма тасжолда үш көліктің қатысуымен жол апаты болған.
"Жол апатынан бес жолаушы зардап шекті. Олар ауруханаға жеткізілді. Бір жолаушы ауруханаға бара жатқан жолда қайтыс болды", - делінген хабарламада.
Қазір бұл факт бойынша Қылмыстық кодексінің 345-бабының 3-бөлігі бойынша сотқа дейінгі тергеу амалдары басталды. Оқиғаның мән-жайы анықталып жатыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2054264-oralda-zappai-zol-apaty-boldy-qaza-tapqan-adam-bar-video/